Castellano
Detalle trámite
Non hai convocatorias abertas actualmente
Estas subvencións teñen por obxecto colaborar coas asociacións culturais do municipio de Ponteceso en a realización do programa anual de actividade durante o ano 2024, así como contribuír ao mantemento da entidade.
Con estas subvencións o Concello de Ponteceso pretende contribuír á promoción da Cultura e do tecido asociativo de carácter cultural e á potenciación do seu papel no desenvolvemento cultural e na dinamización do territorio, así como favorecer o acceso á cultura dos cidadáns de Ponteceso promovendo a organización e realización de actividades culturais.
Ademais da subvención aos programas culturais, esta tamén se dirixe a outros ámbitos de actuación como o propio mantemento e xestión das asociacións e dos seus locais sociais.
Poderán solicitar estas subvencións as entidades de natureza esencialmente cultural xuridicamente constituídas, que estean rexistradas e activas no Concello de Ponteceso con anterioridade ao 1 de agosto de 2024, sempre que cumpran ademais os seguintes requisitos:
- Que o ámbito de actuación sexa o termo municipal e desenvolver un programa de actividade cultural dirixido, principalmente, á veciñanza de Ponteceso.
- Carecer de fins de lucro e que as actividades non persigan unha finalidade lucrativa.
- Que, no momento da solicitude, teñan a súa sede social no municipio e realicen a súa actividade cultural regularmente no mesmo e os datos da entidade que figuran no rexistro de asociacións municipais estean actualizados.
- Non ter pendente de xustificar ningunha subvención ou axuda económica correspondente a exercicios anteriores co Concello.
- Non se admitirá máis dunha solicitude por entidade, polo que se considerará que existe só unha persoa xurídica privada cando as persoas socias ou directivas sexan comúns en máis dun 50 por cento en dous ou máis entidades nos termos establecidos na Lei xeral de subvencións e nas súas normas de desenvolvemento, así como as que puidesen encaixar no concepto de grupo nos termos dispostos no Código de Comercio. Así mesmo, a participación en esta convocatoria exclúe a participación en calquera outra subvención competitiva convocada polo Concello de Ponteceso na anualidade 2024.
De forma telemática a través do botón “Iniciar trámite”.
O prazo de presentación de solicitudes e do 1 al 22 de outubro de 2024.
- Anexo I - Solicitude.
- Documentos correspondentes indicados na convocatoria.
-
Decreto 11/2009, do 8 de xaneiro, polo que se aproba o Regulamento da Lei 9/2007, do 13 de xuño, de subvencións de Galicia.
-
Lei 9/2007, do 13 de xuño, de Subvencións de Galicia.
-
Real Decreto 887/2006, de 21 de xullo, polo que se aproba o Regulamento da Lei 38/2003, de 17 de novembro, xeral de subvencións.
-
Lei 38/2003, de 17 de novembro, Xeral de Subvencións.
Nome: Solicitude de subvencións competitivas a entidades culturais sen ánimo de lucro para o 2024.
Unidade tramitadora: Cultura e Deportes.
Inicio do procedemento: A instancia de parte.
Tipo de interesado: Persoa física ou xurídica.
Órgano de resolución: Alcaldía.
Carácter silencio administrativo: Silencio negativo.
Prazo de resolución: 6 meses.
Recurso aplicable: Potestativo de reposición / Contencioso - administrativo.
Taxas/Impostos: Non aplica.
Canles de atención: Telemático (Iniciar trámite).
