Castellano
Detalle trámite
Prazo de Xustificación Aberto
Xustificar
(on line)
Estas subvencións teñen por obxecto colaborar coas entidades deportivas do municipio de Ponteceso na realización do programa anual de actividade deportiva durante o ano 2025, así como contribuír ao mantemento da entidade.
Con estas subvencións o Concello de Ponteceso pretende contribuír á promoción do deporte e do tecido asociativo de carácter deportivo e á potenciación do seu papel no desenvolvemento deportivo e na dinamización do territorio, así como favorecer o acceso ao deporte dos cidadáns de Ponteceso promovendo a organización e realización de actividades deportivas.
Poderán solicitar estas subvencións as entidades de natureza esencialmente deportiva xuridicamente constituídas, que estean rexistradas e activas no Concello de Ponteceso con anterioridade ao 1 de agosto do 2025, sempre que cumpran ademais os seguintes requisitos:
- Que o ámbito de actuación sexa o termo municipal e desenvolver un programa de actividade deportiva dirixido, principalmente, á veciñanza de Ponteceso e/ou, na súa falta, segundo o calendario da federación correspondente.
- Carecer de fins de lucro e que as actividades non persigan unha finalidade lucrativa.
- Que no momento da solicitude, teñan a súa sede social no municipio e realicen a súa actividade deportiva regularmente no mesmo e os datos da entidade que figuran no rexistro de asociacións municipais estean actualizados.
- Non ter pendente de xustificar ningunha subvención ou axuda económica correspondente a exercicios anteriores con o Concello.
- Non se admitirá máis dunha solicitude por entidade, polo que se considerará que existe só unha persoa xurídica privada cando as persoas socias ou directivas sexan comúns en máis dun 50 por cento en dous ou máis entidades en os termos establecidos na Lei xeral de subvencións e nas súas normas de desenvolvemento, así como as que puidesen encaixar no concepto de grupo nos termos dispostos no Código de Comercio. Así mesmo, a participación en esta convocatoria exclúe a participación en calquera outra subvención competitiva convocada polo Concello de Ponteceso na anualidade 2025.
De forma telemática a través do botón “Iniciar trámite”.
O prazo de presentación de solicitudes será dende o 6 ao 30 de setembro de 2025.
O prazo de xustificación remata o 28 de novembro de 2025.
- Anexo I - Solicitude.
- Documentos correspondentes indicados na convocatoria.
Deberá realizarse mediante o procedemento de Achega de Documentación coa seguinte documentación:
-
Decreto 11/2009, do 8 de xaneiro, polo que se aproba o Regulamento da Lei 9/2007, do 13 de xuño, de subvencións de Galicia.
-
Lei 9/2007, do 13 de xuño, de Subvencións de Galicia.
-
Real Decreto 887/2006, de 21 de xullo, polo que se aproba o Regulamento da Lei 38/2003, de 17 de novembro, xeral de subvencións.
-
Lei 38/2003, de 17 de novembro, Xeral de Subvencións.
Nome: Solicitude de subvencións competitivas a entidades deportivas sen ánimo de lucro para o 2025.
Unidade tramitadora: Cultura e Deportes.
Inicio do procedemento: A instancia de parte.
Tipo de interesado: Persoa física ou xurídica.
Órgano de resolución: Alcaldía.
Carácter silencio administrativo: Silencio negativo.
Prazo de resolución: 6 meses.
Recurso aplicable: Potestativo de reposición / Contencioso - administrativo.
Taxas/Impostos: Non aplica.
Canles de atención: Telemático (Iniciar trámite).
